Միջազգային

Դաղստանում սգո օրեր են հայտարարվել հունիսի 24-ը, 25-ը և 26-ը։ Այս մասին հայտնել է շրջանի ղեկավար Սերգեյ Մելիքովի մամուլի ծառայությունը։ Սգո օրերին հանրապետության ողջ տարածքում կիջեցվեն պետական դրոշները:

Հիշեցնենք, որ հունիսի 23-ին Դերբենտում և Մախաչկալայում զինված գրոհայինները հարձակվել են երկու ուղղափառ եկեղեցիների, սինագոգի և ճանապարհային ոստիկանության պահակակետի վրա:

Հարուցվել են քրեական գործեր՝ ահաբեկչության փաստով։ Ըստ վերջին տվյալների՝ ահաբեկչության զոհ են դարձել ոստիկանության ավելի քան 15 աշխատակիցներ, ինչպես նաև մի քանի քաղաքացիական անձինք, այդ թվում՝ ռուս ուղղափառ եկեղեցու հոգևորականը։

Հայտնի է, որ Մախաչկալայում գրոհայիններից 2-ը շրջանային ղեկավարի որդիներն են, 1-ը՝ զարմիկը։