Իրադարձություններ

«Հայաստան» խմբակցության ղեկավար Սեյրան Օհանյանը լրագրողների հետ զրույցում անդրադառնալով Ադրբեջանի խորհրդարանի հայտարարությանը հակադարձող ընդդիմության նախագծի քվեարկությանը ՔՊ-ի չմասնակցելուն՝ ասել է․ «Այս իշխանություններին թվում է՝ ինչպես իրենք են ասում, որ այդ տերմինաբանությունը, բառապաշարը կարող է հանգեցնել սադրանքների։ Մենք գտնում ենք, որ ընդհակառակը՝ կուլ գնալ Ադրբեջանի կողմից ներկայացված, թելադրված խաղաղության կեղծ օրակարգին, հենց այնպես համաձայնել այն թելադրանքին, որ իրենք են ներկայացնում, միակողմանիորեն գնալ փոխզիջումների, չներկայացնել քո շահերը, չապահովել քո անվտանգությունը, ընդհակառակը, դա է բերելու Ադրբեջանի կողմից սադրանքների, ընդ որում՝ նաև Արցախի շուրջը։ Արցախի Հանրապետության ղեկավարությունը ՀՀ ղեկավարության վրա հույս դնել չի կարող, պետք է համապատասխան աշխատանք տանեն այդ ուղղությամբ, մանավանդ ՌԴ խաղաղապահ ուժերի հրամանատարության հետ»։