Լրագրող Հայկարամ Նահապետյանը ֆեյսբուքյան իր էջում. «Սովետական դեֆիցիտից շատ հեռու են, բայց դատարկ ու կիսադատարկ ցուցափեղկեր ԱՄՆ-ում արդեն կան։ Նավթի/բենզինի գների սրընթաց վերելքից մատակարարումները թանկացել են, չեն հասցնում նորմալ կազմակերպել… Իսկ աշնանը Քոնգրես/Սենատի ընտրություններ են։ Կամ Բայդենը պետք է շտկի դատարկվող ցուցափեղկերի էս հարցն ու իջեցնի բենզինի գինը, կամ ընտրություններին տհաճ անակնկալներ կարող են լինել։ Քվեարկության պահին մարդիկ առաջնահերթ նայելու են իրենց ընտանեկան բյուջեի վիճակին, ոչ Ուկրաինայում ռազմարշավին»։