«Սա Ձեր գրառումն է՝ «Սերիական մարդասպանները միշտ այցելում են իրենց զոհերի գերեզմաններին։
Սենց վիժվածք աշխարհը չի ծնել...»,- դիմելով «Հայաստան» խմբակցության պատգամավոր Արթուր Ղազինյանին՝ հնչեցրեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ հավելելով. «Եռաբլուրի խորհուրդը այսպե՞ս եք հասկանում: Վարչապետը հարգանքի տուրք է մատուցում զոհերին»: Ղազինյանն արձագանքեց. «Այն անձը, ով մերժեց պատերազմը կանգնեցնելու առաջարկությունը՝ ասելով, որ կասեն դավաճան, որի հետևանքով ունեցանք հազարավոր կյանքերի կորուստ, հայրենիքի կորուստ.... մեղավոր ու պատասխանատու է կոնկրետ մեկ անձ ու այդ մեկ անձը այցելելով այդ նույն գերեզմանները, որոնք իր մերժումով տարավ, մտցրեց մսաղաց, պետք է կրի քրեական պատասխատվություն»: