ՌԴ ԱԳ փոխնախարար Սերգեյ Վերշինինն ու ՄԱԿ-ի Փախստականների հարցերով գերագույն հանձնակատար Ֆիլիպո Գրանդին քննարկել են երկկողմ փոխգործակցության հեռանկարները, Լեռնային Ղարաբաղի հակամարտության կարգավորման հումանիտար ասպեկտները և մի շարք այլ հարցեր: Հայտնում է ՌԴ ԱԳՆ կայքը․ «Քննարկվել են աշխարհում փախստականների, ներքին տեղահանված անձանց և քաղաքացիություն չունեցող անձանց դրության խնդիրները, ինչպես նաև ՄԱԿ-ի Փախստականների հարցերով գերագույն հանձնակատարի վարչության հետ Ռուսաստանի փոխգործակցության հեռանկարները:
Հատուկ ուշադրություն է դարձվել Լեռնային Ղարաբաղի հակամարտության կարգավորման հումանիտար ասպեկտներին:
Երկու կողմն էլ հաստատել են կառուցողական և արդյունավետ փոխգործակցությունը շարունակելու նպատակաուղղվածությունը»,- ասված է ԱԳՆ հաղորդագրության մեջ։