Խնդրում ենք սպասել...

Իրադարձություններ

Մերկելն ու Մակրոնը պատրաստ են ապահովել Նավալնիի բուժումն արտասահմանում

00:20, ուրբաթ, 21 օգոստոսի, 2020 թ.
Մերկելն ու Մակրոնը պատրաստ են ապահովել Նավալնիի բուժումն արտասահմանում

Ֆրանսիայի նախագահ Էմանուել Մակրոնը և Գերմանիայի կանցլեր Անգելա Մերկելը հայտարարել են, որ իրենց երկրները պատրաստ են բուժում և օգնություն ցուցաբերել Ալեքսեյ Նավալնիին:
     Այս մասին նրանք հայտնել են օգոստոսի 20-ին՝ համատեղ մամուլի ասուլիսի ժամանակ։
     «Մենք պատրաստ ենք տրամադրել Ալեքսեյ Նավալնիին և նրա հարազատներին անհրաժեշտ ողջ օգնությունը, որը վերաբերում է նրա առողջությանը և պաշտպանությանը»,-հայտարարել Է Մակրոնը:
     Մերկելը պահանջել է արագ պարզել Նավալնիի հետ կատարվածը՝ թե կոնկրետ ինչ է տեղի ունեցել։
     Այս մասին նա հայտարարել Է Մակրոնի հետ բանակցություններից հետո:
     «Պետք է արագ պարզվի, թե ինչպես է տեղի ունեցել այդ ամենը։ Այդ հարցում մենք հետևողական ենք լինելու»,- ասել է Մերկելը։
     Օմսկի հիվանդանոցի բժիշկները, որտեղ այժմ գտնվում է Նավալնին, թույլ չեն տալիս նրան տեղափոխել՝ պատճառ բերելով վիճակի ծանրությունը: Քաղաքական գործչի համախոհները կարծում են, որ դա արվում է այն նպատակով, որ հնարավոր չլինի պարզել այն նյութը, որով նրան թունավորել են:

14296 | 0
Facebook