Խնդրում ենք սպասել...

Համացանց

«Եթե այս 700.000 դոլարը գրագետ ծախսվի, կարող է շահավետ ներդրում համարվել Երևանի համար». Հովսեփ Խուրշուդյան

04:35, չորեքշաբթի, 11 դեկտեմբերի, 2019 թ.
«Եթե այս 700.000 դոլարը գրագետ ծախսվի, կարող է շահավետ ներդրում համարվել Երևանի համար». Հովսեփ Խուրշուդյան

«Ժառանգություն» կուսակցության անդամ Հովսեփ Խուրշուդյանը ֆեյսբուքյան իր էջում գրել է. «Էս 700.000 դոլարանոց Ամանորի տոնախմբության մասով մի բան ասեմ։ Անցած տարի երկու ընտանիքով մեկնեցինք Թիֆլիս։ Նոր տարին դիմավորեցինք հենց փողոցում` հրապարակներից մեկում։ Տոնողների կեսն արտասահմանցի էին։ Միայն Հայաստանից, ըստ վիճակագրության, 30.000 մարդ էր եկել Թիֆլիս Ամանորը դիմավորելու։ Քաղաքապետարանը, իրոք, որ ճոխ Ամանոր էր կազմակերպել։ Չեմ կարող ասել` ինչքան գումար էին ստույգ ծախսել, բայց չեմ բացառում, որ միլիոն դոլարից ավելի լիներ։ Բայց հաստատ Թիֆլիսն ամանորյա թրենդային տուրիստական ուղղություն դարձնելը տասնապատիկ ավելի շատ հասույթ բերեց քաղաքին էլ, Թիֆլիսի բիզնեսներին էլ։ Այնպես որ, այս 700.000 դոլարը, եթե, իհարկե, գրագետ ծախսվի, այլ ոչ թե անցած տարվա անշուք ու անիմաստ թանկ տոնածառի պես, կարող է համարվել շահավետ ներդրում Երևանի ու Հայաստանի համար, այլ ոչ թե պարզ պճնամոլություն։
     Վիեննայի, Բրյուսելի ու մյուս քաղաքների մասին էլ չասեմ։ Ոչ թե պճնանք, այլ պարզապես չոր մարքեթինգ»։

4163 | 0
Facebook