Աշխարհում ալյումին արտադրող ամենախոշոր «Ռուսալ» ընկերությունը հայտարարել է թոփ մենեջմենթի, ինչպես նաև գործադիր տնօրենի պաշտոնից Ալեքսանդրա Բուրիկոյի հրաժարականի մասին, հաղորդում է РБК-ն՝ հղում անելով ընկերության կայքում տեղակայված հայտարարությանը:
Գործադիր տնօրենի պաշտոնակատար է նշանակվել 52-ամյա Եվգենի Նիկիտինը:
Միևնույն ժամանակ, ընկերությունը հայտարարել է, որ տնօրենների խորհուրդը լքում են Վլադիսլավ Սոլովյովը, Զիգֆրիդ Վոլֆը, Մաքսիմ Սոկովը, Դմիտրի Աֆանասևը, Գուլժան Մոլդաժանովան, Օլգա Մաշկովսկայան և Եկատերինա Նիկիտինան:
Հիշեցնենք, որ ապրիլին ամերիկյան պատժամիջոցային ցուցակում էր հայտնվել ընկերության նախագահ Օլեգ Դերիպասկան: Ավելի ուշ հայտնի էր դարձել, որ ընկերությունն ամերիկյան պատժամիջոցների պատճառով կարող է տեխնիկական դեֆոլտ հայտարարել: