Ռուսաստանի արտաքին գործերի նախարար Սերգեյ Լավրովն «անհեռանկարային» է անվանել քրդական հարցով ԱՄՆ-ի գործողությունները՝ Սիրիայի Աֆրին քաղաքում թուրքական ռազմական գործողությունների համատեքստում:
«Այս ամենն ավելորդ անգամ ընդգծում է ԱՄՆ-ի կարճատեսությունը, անհեռանկարային վերաբերմունքը, անվանեք ինչպես ցանկանում եք: Սիրիայում ամերիկյան գործողությունների հենց սկզբից ԱՄՆ-ն խաղադրույք կատարեց քրդերի վրա և անտեսեց Թուրքիայի դժգոհությունը»,- ասել է Լավրովը Euronews հեռուստաալիքի հետ զրույցում:
Նա նշել է, որ քրդերի հարցով Անկարայի դիրքորոշումը երբեք գաղտնիք չի եղել, այնուհանդերձ, ըստ ՌԴ ԱԳՆ ղեկավարի, ԱՄՆ-ն շարունակում է զինել քրդերին:
Լավրովն ընդգծել է, որ «քրդական հարցի հետ ամերիկյան խաղը» չափազանց վտանգավոր է: