ԴԱԻՇ ահաբեկչական խմբավորման նոր պաշտոնական ներկայացուցիչ Աբի ալ-Հասան ալ-Մուհագերը հայտարարել է, որ մտադիր են հարձակումներ գործել Թուրքիայի` ամբողջ աշխարհում գտնվող դեսպանատների և հյուպատոսարանների վրա: Այս մասին հայտնում է Reuters-ը` հղում անելով Մուհագերի հրապարակած տեսաուղերձը:
Մուհագերը նշել է, որ ԴԱԻՇ-ի կողմնակիցները կհարձակվեն նաև թուրքական ռազմական, տնտեսական և լրատվական հաստատությունների վրա:
Լրատվականը նշում է, որ տեսաուղերձի իսկությունը պարզել դեռևս չի հաջողվել: