Քիչ առաջ հայտնի է դարձել, որ Կոլումբիայում ինքնաթիռի կործանումից ողջ մնացած «Շապեկոենսե»-ի դարպասապահ Մարկոս Դանիլո Պադիլյեն մահացել է հիվանդանոցում՝ ստացած վնասվածքներից։ Ինքնաթիռի աղետից հետո նա հոսպիտալացվել է, սակայն բժիշկները չեն կարողացել փրկել նրա կյանքը, քանի որ վնասվածքները շատ լուրջ են եղել։ Նա առաջիններից է եղել, ում գտել են փրկարարները։ Հաջորդ տարվա հուլիսին Մարկոսը կդառնար 32 տարեկան։ Նա այս մրցաշրջանում թիմի հիմնական դարպասապահն էր՝ թիմի կազմում անց կացնելով 59 հանդիպում։