Իրադարձություններ

Իռլանդիայի մայրաքաղաք Դուբլինից 40 կմ հեռավորության վրա 3 դամբարաններ են գտնվում` Դաութ, Նյուգրեյնջ, Նաութ անվանումներով։ Այս դամբարանները, համաձայն փորձագետների, համարվում են աշխարհի ամենահին դամբարաններոը և ավելի հին են, քան Սթոունհենջն ու եգիպտական բուրգերը։

Սակայն հնէաբաններին գրավում է ոչ միայն դամբարանների տարիքն, այլև նրանց ինքնատիպ կառուցվածքը։ 3 բլուրները, որ ավելի քան 5 հազար տարի առաջ կառուցվել են մարդու կողմից, շրջապատված են ևս 37 բլրակներով։

Գիտնականները հավաստիացնում են, որ այդ ժամանակներում Եվրոպայի հյուսիսային շրջաններում քաղաքակրթություն չի եղել։ Այդ իսկ պատճառով դամբարանների ստեղծման մի քանի վարկած է շրջանառվում, համաձայն որոնց` դամբարանները կառուցվել են հնագույն դրուիդների, կամ էլ տիտանների կողմից, որ ապրել են «մեծ պայթյունից» առաջ, ինչի հետևանքով առաջացել են մայրցամաքները։

Այս հնագույն շինությունների ստեղծման առեղծվածի բանալին թաքնված է դամբարանների արձանագրություններում, որոնք դեռևս վերծանված չեն։