Եվրոպայի Խորհրդի Խորհրդարանական Վեհաժողովի (ԵԽԽՎ) երևանյան գրասենյակի առջև հոկտեմբերի 17-ին, ժամը` 12:00-ին, կիրականացնի բողոքի ակցիա: Այս մասին տեղեկացնում է «Հանուն օրենքի» հասարակական շարժումը: Ակցիան ուղղված է ընդդեմ հոկտեմբերի 14-ին ԵԽԽՎ նախագահ Պեդրո Ագրամունտի հայկական պատվիրակության անդամների հանդեպ կողմնակալ և անհարգալից վերաբերմունքի: Հիշեցնենք, որ ԵԽԽՎ նախագահը ազատ քննարկման ժամանակ անջատել էր հայկական պատվիրակության անդամներ ԱԺ ՀՀԿ խմբակցության պատգամավոր Նաիրա Կարապետյանի և ԱԺ ԲՀԿ խմբակցության ղեկավար Նաիրա Զոհրաբյանի խոսափողները, երբ վերջիններս փաստում էին ԵԽԽՎ-ի կողմնակալությունը և կաշառված լինելը (տեղի ունեցածի մասին առավել մանրամասն կարդացե՛ք այստեղ): Ըստ «Հանուն օրենքի» շարժման անդամների, ոտնահարվել է հայկական պատվիրակության իրավունքները և խոսքի ազատությունը: Ուստի` նրանք դատապարտում են Պեդրո Ագրամունտի պահվածքը և պահանջում նրա հրաժարականը: Ի դեպ, ակցիայի կազմակերպիչները ի նշան իրենց բողոքի, ԵԽԽՎ-ի երևանյան գրասենյակին կհանձնեն պահանջագիր և Ադրբեջանի նախագահ Իլհամ Ալիևի նկարով ԱՄՆ դոլարներ:
|