ՀՀ Ազգային ժողովում քիչ առաջ ավարտվել է դռնփակ քննարկումը, որին մասնակցել է ՀՀ պաշտպանության նախարար Սեյրան Օհանյանը:
Քննարկմանը մասնակցել են նաև ԱԺ նախագահի տեղակալները, խմբակցությունների ղեկավարները, հանձնաժողովների նախագահները և պաշտպանության, ազգային անվտանգության և ներքին գործերի մշտական հանձնաժողովի անդամները:
Հանդիպման ընթացքում քննարկվել են ապրիլյան պատերազմի հետևանքով ստեղծված իրադրությանը և դրանից բխող գործողություններին վերաբերող հարցեր:
Պաշտպանության նախարար Սեյրան Օհանյանը պատասխանելով լրագրողների հարցերին նշել է, որ այսօր ԱԺ-ում կայացած քննարկումները փակ քննարկումներ էին, որոնց մասին բարձրաձայնելու կարիք չկա: Նա նշել է, որ առաջնագծում այսօր իրավիճակը դեռևս լարված է, և ցանկացած ժամանակ ցանկացած գործողություններ կարող են լինել: Մանրամասները՝ տեսանյութում: