Թուրքիայի ափերի մոտ գաղթականներին Հունաստան տեղափոխող երկու նավ է խորտակվել: Այս մասին գրում է BBC-ն:
Աղբյուրը նշում է, որ միջադեպի արդյունքում ավելի քան 33 մարդ է խեղդվել, որից 22-ը` Լեսբոս կղզու մոտակայքում, իսկ 11-ը` Թուրքիայի Իզմիր նահանգի մոտակայքում: խեղդվածների թվում մի քանի երեխաներ են եղել:
Միգրացիայի միջազգային կազմակերպության տվյալներով` մինչև այս տարվա փետրվարի 5-ը մոտ 374 գաղթական է մահացել` փորձելով հասնել Եվրոպա:
Նշվում է նաև, որ գաղթականների համար Եվրոպա հասնելու ամենահանրահայտ ճանապարհը Թուրքիայից Հունաստան ուղին է:
Հաղորդվում է նաև, որ այսօր Գերմանիայի կանցլեր Անգելա Մերկելը մեկնել է Թուրքիա` քննարկելու գաղթականների հետ կապված խնդիրները: