Քենիացի թեթև աթլետների մի խումբ ներխուժել է Նայրոբիում գտնվող Քենիայի թեթև աթլետիկայի ֆեդերացիայի շտաբ բնակարան՝ ի նշան կազմակերպության ղեկավարության դեմ բողոքի։ Ամերիկյան ԶԼՄ-ները գրում են, որ մարզիկները մտել են ֆեդերացիա և իրենց աշխատասենյակներում փակել պաշտոնյաներին։ Ֆեդերացիայի նախագահ Իսայա Քիփլահաթը հաստատել է այդ տեղեկությունները․
«Լուրջ մարզիկները մարզվում են, նրանք բողոքների ժամանակ չունեն»,- նշել է նա։
Պատճառն այն է, որ նոյեմբերի սկզբին Քենիայի ԱՕԿ-ի նախագահ Քիփչոգ Քեյնոն հայտարարել է, որ Համաշխարհային հակադոպինգային գործակալությունը՝ WADA-ն, «լրջորեն դիտարկում է» քենիացի մարզիկների՝ միջազգային մրցաշարերից հեռացնելու հարցը։