ՌԴ նախագահի մամուլի խոսնակ Դմիտրի Պեսկովը հայտարարել է, որ Ռուսաստանը, Սիրիայում ռազմական գործողություններ իրականացնելով, նպատակ ունի այդ երկրում քաղաքական կայունություն հաստատել: Այս մասին հաղորդում է «Ինտերֆաքս»-ը:
Նշենք, սակայն, որ ավելի վաղ Պեսկովը հայտարարել էր, թե Ռուսաստանի օդային հարվածների նպատակը Սիրիայում ծայրահեղականներին ու ահաբեկիչներին ոչնչացնելն է: Նմանատիպ հայտարարությամբ հանդես էր եկել նաև ՌԴ ԱԳ նախարար Սերգեյ Լավրովը: