Միջազգային

     Սիցիլական դերբիի՝ «Վիտորիա» - «Պատերնո» հանդիպման ընթացքում ֆուտբոլիստների զանգվածային ծեծկռտուք է տեղի ունեցել։ Սկզբից հանդիպումը դադարեցվել է տրիբունաներում անկարգությունների և բազմաթիվ կարմիր քարտերի պատճառով։ Անվտանգության նկատառումներից ելնելով՝ հանդիպման գլխավոր մրցավարը թիմերին ուղարկել է հանդերձարան, սակայն ենթատրիբունային սենյակում ծեծկռտուք է սկսվել, որի արդյունքում ֆուտբոլիստներից մեկը շտապ հոսպիտալացվել է. նրա մոտ ախտորոշվել է ողերի կոտրվածք և կրծքավանդակի ուժեղ վնասվածք։
Իտալական ԶԼՄ-ները հայտնել են, որ ֆուտբոլի ֆեդերացիան որակազրկել է երկու թիմերի ֆուտբոլիստներին՝ 59 հանդիպումով։ Բացի այդ, երկու թիմերի համար տեխնիկական պարտություն է գրանցվել և 600-ական եվրո տուգանք դուրս գրվել։