Այսօր ժամը 12:00-ի սահմաններում հակառակորդը Տավուշի մարզի Բերդի տարածաշրջանի մարտական դիրքերից մի քանիսի նկատմամբ կրկին դիվերսիոն հարձակողական գործողություն է ձեռնարկել: Միջդիրքային տարածքում հայկական դիրքապահների կողմից խումբը նկատվել է և մարտ է սկսվել, որի ընթացքում ադրբեջանական ստորաբաժանումը գրեթե ոչնչացվել է: Հայկական ստորաբաժանումները կորուստներ չեն կրել: Այս պահին իրավիճակը կայուն է, ՀՀ ԶՈւ ստորաբաժանումները լիովին վերահսկում են մարտական իրավիճակը:
Կարծում ենք` ադրբեջանական բանակի այսօրվա միայն ցերեկային կորուստների քանակից ելնելով, իսկը ժամանակն է, որ նրանք ինտերնետը արգելափակեն:
Հ.Գ. Ի դեպ այս խոսքերը ուղղված են միայն Ադրբեջանի ռազմաքաղաքական ղեկավարությանը:
Նկատեք, որ Ադրբեջանը պաշտոնապես դեռ չի հերքել այսօրվա իր կորուստները, դրա փոխարեն զավեշտալի լուրեր է տարածում: