Իրադարձություններ

«Լույս» դաշինքի քաղաքապետի թեկնածու Արտակ Զեյնալյանը քվեարկեց Արաբկիր վարչական շրջանի 4/30 ընտրատեղամասում: ԲՀԿ գրասենյակում խուզարկությունների մասին հարցին ի պատասխան՝ ասաց, որ տեղյակ չէ. «Վերնագրերը կարդալով՝ ՀՀ ոստիկանապետի հայտարարության մի հատվածի, ըստ այդ հայտարարության կարող եմ ասել, որ որևէ հակաօրինական բան չկա: Չեմ կարող ամբողջը վերլուծել»: Դիտարկմանը՝ Նաիրա Զոհրաբյանը պահանջեց Վալերի Օսիպյանի հրաժարականը, եթե ապացույցներ չներկայացնի, զրպարտություն համար պատասխանատվություն պետք է կրի, նշեց. «Այս հարաբերությունները ոչ թե զրպարտության, պատվի, արժանապատվության պաշտպանության իրավահարաբերություններ են, այլ՝ այլ, ու իրավունքի պաշտպանության արդյունավետ մեխանիզմներ օրենսդրության մեջ կան»:

Հարցին՝ ավագանիում մանդատներ ստանալու դեպքում «Իմ քայլի» հետ կոալիցիա կկազմե՞ք, նշեց. «Քվեարկությունը կավարտվի, կտեսնենք արդյունքները, կկողմնորոշվենք»: