Խնդրում ենք սպասել...

Իրադարձություններ

Ինչպես է վերականգնվել Երևանի կենդանաբանական այգում կերակրողի՝ առյուծի կողմից հոշոտված ձեռքը

16:30, հինգշաբթի, 07 դեկտեմբերի, 2017 թ.
Ինչպես է վերականգնվել Երևանի կենդանաբանական այգում կերակրողի՝ առյուծի կողմից հոշոտված ձեռքը

Պլաստիկ և միկրո վիրաբույժ Թեհմինե Ասատրյանը MAMUL.am-ի թղթակցի հետ զրույցում պատմեց, թե ինչպես երկու տարի առաջ Կենդանաբանական այգում առյուծը հարձակվել է կերակրողի վրա և հոշոտել նրա ձեռքը:
     «Առաջին օրվանից կերակրել է առյուծին, մտածել է շուտ կերը լցնի, դուրս գա, առյուծն այդ պահին հարձակվել ու թևն այնպես է հոշոտել, որ սնուցում ընդհանրապես չկար»: Վիրաբույժ խոսքով` տղային շոկային վիճակում հասցրել են հիվանդանոց:
     «Վերին վերջույթն ամբողջությամբ հոշոտել էր, տղային շոկային վիճակում բերեցին մեզ մոտ, անմիջապես հակաշոկային միջոցառումներ ձեռնարկեցինք` ցավազրկում և այլն, պատրաստեցինք վիրահատության: Անոթները լրիվ վնասված էին, վերին վերջույթի սնուցում բացարձակապես չկար, անոթային վիրաբույժ հրավիրեցինք, բացեց անոթի լուսանցքը, մենք վերականգնեցինք մկանները, սնուցումը վերականգնվեց: Հիմա թևը լիարժեք ծառայում է»,- նշեց վիրաբույժը:

Ինչպես են բժիշկները վերականգնել Երևանի կենդանաբանական այգում կերակրողի՝ առյուծի կողմից հոշոտված ձեռքը
Ինչպես են բժիշկները վերականգնել Երևանի կենդանաբանական այգում կերակրողի՝ առյուծի կողմից հոշոտված ձեռքը
Ինչպես են բժիշկները վերականգնել Երևանի կենդանաբանական այգում կերակրողի՝ առյուծի կողմից հոշոտված ձեռքը
Ինչպես են բժիշկները վերականգնել Երևանի կենդանաբանական այգում կերակրողի՝ առյուծի կողմից հոշոտված ձեռքը
Ինչպես են բժիշկները վերականգնել Երևանի կենդանաբանական այգում կերակրողի՝ առյուծի կողմից հոշոտված ձեռքը
Ինչպես են բժիշկները վերականգնել Երևանի կենդանաբանական այգում կերակրողի՝ առյուծի կողմից հոշոտված ձեռքը

     Մոտ 6-7 ժամ տևողությամբ վիրահատության արդյունքն, ըստ մասնագետի, բավական հաջող էր: «Հետվիրահատական շրջանն ավելի երկար էր: Բնականաբար, կենդանիների կծած վերքերը հետվիրահատական ավելի յուրահատուկ խնամք են պահանջում: Այդ ամենը հաշվի առնելով՝ ամեն բան արեցինք, և հիմա ունենք լավ արդյունք: Ձեռքը շարժում է, նորից աշխատում է նույն մասնագիտությամբ, թեև ասում է` մեջս վախ կա` չեմ մտնի այլևս»,- պատմեց մեր զրուցակիցն ու հավելեց, որ տուժածը 30-ին մոտ, շատ ձիգ ու համարձակ տղա է:
Պլաստիկ և միկրո վիրաբույժ Թեհմինե Ասատրյան
Պլաստիկ և միկրո վիրաբույժ Թեհմինե Ասատրյան

     Հեղ.՝ Անի Մնացականյան

30027 | 0
Facebook