Թուրքիայի նախագահ Ռեջեփ Էրդողանը կդառնա Թուրքիայի առաջին նախագահը, ով Հունաստան կայցելի վերջին 65 տարվա ընթացքում առաջին անգամ: Այցի ամսաթիվը հայտնի չէ:
Երկրի փոխվարչապետը հույս է հայտնել, որ այցն էական արդյունքներ կտա, հաղորդում է ТАСС-ը:
Վերջին անգամ Էրդողանը Հունաստան է այցելել 2010թ., սակայն այդ ժամանակ նա զբաղեցնում էր Թուրքիայի վարչապետի պաշտոնը: Վերջին անգամ Հունաստան 1952թ. պաշտոնական այց էր կատարել Թուրքիայի նախագահ Մահմուդ Ջելյալ Բայարը:
Նշենք, որ երկու երկրների միջև հարաբերությունները սրվել են Էգեյան ծովի ավազանում տարածքային վեճերի, ինչպես նաև Կիպրոսի հարցի պատճառով: Բացի այդ, Աթենքը ապաստան է տվել Ֆեթուլլահ Գյուլենի կազմակերպության (FETO) անդամներին: