Լոմոնոսովի անվան Մոսկվայի պետական համալսարանի միջուկային ֆիզիկայի գիտահետազոտական ինստիտուտի ղեկավարը լրագրողների հետ զրույցում բացատրել է, թե ինչ ազդեցություն կարող են ունենալ Արեգակի վրա կատարվող բռնկուները մարդկային օրգանիզմի վրա: Նա նշել է, որ այդ բռնկումներն ազդում են օրգանիզմի վրա, սակայն ամեն ինչ կախված է մարդու անհատական ռեակցիայից: «Մեկի մոտ, հնարավոր է, գլխացավ առաջանա, մեկ ուրիշի մոտ՝ ոչ»,- ասել է մասնագետը:
Նա բացատրել է, որ մեր օրգանիզմը բաղկացած է ջրից, ջուրը փոխանցող հատկություն ունի, և եթե էլեկտրամագնիսական դաշտի փոփոխություն է կատարվում, ապա մեր ներսում ևս ինչ-որ բան փոփոխվում է:
Նշենք, որ արևի վրա վերջին հզոր բռնմումը տեղի է ունեցել սեպտեմբերի 6-ին: Այն վերջին 12 տարվա ընթացքում ամենահզոր բռնկումն է եղել՝ X9 բալ ուժգնությամբ: