Իրաքի ռազմաօդային ուժերը սկսել են ավիահարվածներ հասցնել Թալ-Աֆար քաղաքում ԴԱԻՇ-ի դիրքերի ուղղությամբ: Քաղաքը 3 տարի գտնվել է ահաբեկչական խմբավորման գրոհայինների վերահսկողության տակ: Այս մասին հայտնում է TASS-ը՝ հղում անելով Al Mayadeen հեռուստաալիքին: Հեռուստաալիքի տեղեկություններով՝ ռմբակոծություններին կհաջորդի քաղաքի ազատագրման ցամաքային օպերացիան: Հուլիսի 10-ին Իրաքի վարչապետ Հեյդար ալ-Աբադին պաշտոնապես հայտարարել էր երկրում ԴԱԻՇ-ի գլխավոր հենակետ համարվող Մոսուլ քաղաքի ազատագրման մասին:
Թալ-Աֆարը գտնվում է Մոսուլից դեպի արևմուտք, այն դեռևս վերահսկվում է գրոհայինների կողմից: