«Դեյր-Զորը Սիրիայում այն առանցքային կետերից մեկն է, որի ազատագրումը մեծամասամբ կխոսի ԴԱԻՇ-ին պարտության մատնելու հաջողությունների մասին»,- ասել է ՌԴ պաշտպանության նախարար Սերգեյ Շոյգուն «Ռուսաստան-24» հեռուստաալիքի եթերում:
«Այսօր կարող ենք խոսել այն մասին, որ բոլորը նպատակամղված են պայքարելու ԴԱԻՇ-ի դեմ: Այսօր կան որոշ առանցքային կետեր, որոնցից մեկը Դեյր-Զորն է, ես կասեի` առաջին հերթին Դեյր-Զորը: Այնտեղ ընթացող դիմադրությունը տևում է շուրջ մեկ տարի ... Այն Եփրատում այնպիսի հիմնական կետ է, որը թերևս կարող է լինել եթե ոչ հիմնականը, ապա ամբողջականը»,- ասել է Շոյգուն:
Դեյր-Զոր քաղաքը, որը գտնվում է Սիրիայի հյուսիս-արևելքում, 2014 թ.-ից փաստացի պաշարման մեջ է: ԴԱԻՇ զինյալները շրջափակման մեջ են պահում ինչպես զինվորականներին, այնպես էլ քաղաքացիական անձանց: Ներկա պահին կառավարական ուժերի վերահսկողության տակ է գտնվում Դեյր-Զորի մոտավորապես կեսը: