Ճապոնիայի վարչապետ Սինձո Աբեն հայտարարել է, որ անհրաժեշտ է միավորել ԱՄՆ-ի, Ռուսաստանի, Չինաստանի և Հարավային Կորեայի ջանքերը Հյուսիսային Կորեայի գործողություններին պատասխան տալու համար։
Ճապոնիայի վարչապետի կարծիքով՝ Իտալիայում կայանալիք G7-ի ղեկավարների առաջիկա հանդիպման ժամանակ անհրաժեշտ է քննարկել Հյուսիսային Կորեայի խնդիրը և նրա գործողություններին հստակ պատասխան մշակել: «Հյուսիսային Կորեան մեկ շաբաթում երկրորդ անգամ իրականացրել է բալիստիկ հրթիռի արձակում. սա բացահայտ մարտահրավեր է միջազգային ողջ հանրությանը և նրա անվտանգությանը սպառնալիք: G7-ի առաջնորդների առաջիկա հանդիպմանը ես մտադիր եմ լրջորեն քննարկել այս խնդիրը և մշակել հստակ ու կոնկրետ պատասխան»,- ասել է վարչապետը՝ նշելով, որ անհրաժեշտ է վճռական պատասխան տալ ամբողջ միջազգային հանրության միավորված ջանքերով: