Եգիպտոսի նախկին նախագահ Հոսնի Մուբարաքը վեց տարվա ազատազրկումից հետո ազատ է արձակվել: Այս մասին հայտնում է Reuters գործակալությունը՝ հղում անելով նրա փաստաբանին:
Նշվում է, որ Մուբարաքը հեռացել է ռազմական հոսպիտալից, որտեղ գտնվել է կալանքի տակ, և մեկնել է Հելիոպոլիսում գտնվող իր տուն:
Մուբարաքը գահընկեց էր արվել 2011 թվականին և դարձել էր տարածաշրջանում առաջին առաջնորդը, որին դատել են «արաբական գարունից» հետո:
Մարտի 2-ին դատարանը Հոսնի Մուբարաքին անմեղ էր ճանաչել 2011 թվականի ապստամբության ժամանակ ցուցարարների սպանության գործում։