Միջազգային

Հայ գործարար Վաչե Մանուկյանը դիտարկում է «Էվերթոնը» գնելու տարբերակը, հայտնում է The Independent-ը։

Հաղորդվում է, որ Վաչե Մանուկյանը 400 միլիոն ֆունտ սթերլինգի առաջարկ է արել ներկայիս սեփականատեր Ֆարհադ Մոշիրիին:

Մանուկյանի հայտը դրական է ընդունվել, և նա վստահ է դրա հեռանկարների վրա, թեև Մոշիրին այլ առաջարկներ էլ է ստացել:

Նշվում է, որ Մանուկյանը պատրաստ է արագ գործել, եթե իր առաջարկն ընդունվի, և կցանկանար, որ գործարքը կնքվեր առաջիկա մի քանի ամիսների ընթացքում։

Վաչե Մանուկյանը «Էվերթոնի» երկրպագու է և ցանկանում է լուծել ակումբի ֆինանսական խնդիրները։ Ենթադրվում է, որ գործարարի ծրագիրը ներառում է գործառնական կանխիկ գումարի տրամադրում և կայուն երկարաժամկետ ռազմավարության մշակում։
     Այսօր նաև հայտնի է դարձել, որ ամերիկացի գործարարներ Ֆրիդկինների ընտանիքը, որոնք «Ռոմայի» սեփականատերերն են, ևս ցանկանում են ձեռք բերել «Էվերթոնը»։