Խնդրում ենք սպասել...

Համացանց

«Մանիպուլյացիան դարձել է մեր առօրյայի անբաժանելի մասը»․ Հեքիմյան

01:06, ուրբաթ, 21 հունիսի, 2024 թ.
«Մանիպուլյացիան դարձել է մեր առօրյայի անբաժանելի մասը»․ Հեքիմյան

Հասարակական գործիչ Կարեն Հեքիմյանի գրառումը․ «Ձեռնածությունը (մանիպուլյացիան) դարձել է մեր առօրյայի անբաժանելի մաս:
     Այսօր «Եվրոմիությանը Հայաստանի միանալու հարցով հանրաքվեի» թեմայով հրավիրվել է համաժողով, որտեղ քննարկվել է նմանօրինակ հանրաքվեի անցկացումը: Առաջին հայացքից վատ միտք չէ, սակայն ...
     Եվրամիությանը կարող է անդամակցել ցանկացած պետություն, որը`
     1. ԵՄ-ի հետ ստորագրել է ասոցիացման համաձայնագիր:
     2. ԵՄ-ին անդամակցելու պաշտոնական հայտ է ներկայացրել, ԵՄ-ից հավանություն և անդամի թեկնածուի կարգավիճակ է ստացել:
     3. ԵՄ անդամի թեկնածու պետությունը պետք է ստանա ԵՄ Խորհրդի միաձայն և Եվրոխորհրդարանի բացարձակ մեծամասնության հավանությունը:
     4. ԵՄ անդամի թեկնածու պետության թեկնածությունը պետք է քննարկվի և վավերացվի ԵՄ անդամ բոլոր պետությունների խորհրդարաններում:
     Օրինակ` Թուրքիան ԵՄ-ի հետ ասոցիացման պայմանագիր է կնքել 1963թ: Վերջինս ԵՄ անդամի թեկնածուի կարգավիճակ է ստացել 1999թ: Եվ, վերջ: 61 տարի շարունակ Թուրքիան չի կարողանում ԵՄ անդամ դառնալ:
     Այս ֆոնին, առնվազն տարակուսելի են Հայաստանի ԵՄ անդամ դառնալու վերաբերյալ դատողությունները, մասնավորապես` հանրաքվեի անցկացումը: Սա տարրական ձեռնածություն է (մանիպուլյացիա), որի նպատակը որոշ անձանց Հայաստանի քաղաքական դաշտում ուրույն տեղ գրավելն է, այլ կերպ ասած` արևմտյան դրամաշնորհներ ստանալը, միգուցե խորհրդարանական ընտրություններին մասնակցելը: Այլ տարբերակ չկա, քանզի ԵՄ մտնել ցանկացողը սկզբից ՀԱՊԿ-ից, ԵԱՏՄ-ից, ԱՊՀ-ից դուրս կգար, ռուսական 102-րդ ռազմաբազայի հարցը կլուծեր և ամենակարևորը` մարդկային արժանապատվությունը, ազատությունը, հավասարությունը, մարդու իրավունքներն ու իրավական պետության հիմնարար սկզբունքները կհարգեր:
     ՀԳ. Ինչո՞ւ ԵՄ-ի հանրաքվեի «կազմակերպիչները» երբևէ, օրինակ` ՀԱՊԿ-ից, ԵԱՏՄ-ից, ԱՊՀ-ից դուրս գալու, ռուսական 102-րդ ռազմաբազայի լուծարելու վերաբերյալ հանրաքվեներ անցկացնել չեն առաջարկում: Հետաքրքիր է, չէ՞»։

Աղբյուրը` Կարեն Հեքիմյան
1275 | 0
Facebook