Դատարանը հեռակա կարգով կալանավորել է Ուկրաինայի պաշտպանության նախկին նախարարին
Կիևի վերաքննիչ դատարանը բավարարել է դատախազի միջնորդությունը և հեռակա ձերբակալել Ուկրաինայի պաշտպանության նախկին նախարար Միխայիլ Եժելին՝ պետական դավաճանության գործով՝ 2010 թվականին Խարկովի համաձայնագրերի մշակմանը մասնակցելու համար։ Այս մասին չորեքշաբթի օրը հայտնել են Ուկրաինայի գլխավոր դատախազությունում։ «Կիևի վերաքննիչ դատարանը քննել է դատախազի բողոքն ընդդեմ հետաքննող դատավորի որոշման և Ուկրաինայի պաշտպանության նախկին նախարարի համար խափանման միջոց է ընտրել նախկինում մի խումբ անձանց հետ համաձայնությամբ պետական դավաճանություն կատարելու հանգամանքների վերաբերյալ քրեական գործով։»,- ասվում է հաղորդագրության մեջ։ Ըստ հետաքննության, 2010 թվականի ապրիլին ամբաստանյալը Ուկրաինայի նախկին նախագահ Վիկտոր Յանուկովիչի, վարչապետ Նիկոլայ Ազարովի, արտաքին գործերի և արդարադատության նախարարության ղեկավարների հետ նախնական համաձայնությամբ հաստատել է Խարկովի համաձայնագրերը։ Այս գործում ներգրավված են նաև նախկին արտգործնախարար Կոնստանտին Գրիշչենկոն և արդարադատության նախարար Ալեքսանդր Լավրինովիչը։ Նրանք բոլորը գտնվում են միջազգային հետախուզման մեջ։ Ուկրաինայի Հետաքննությունների պետական բյուրոն հայտնել է, որ պաշտպանության նախկին նախարարի արտահանձնումը դեռ հնարավոր չէ, քանի որ նա գտնվում է Բելառուսում։ 2021 թվականի մարտի 11-ին Ուկրաինայի Ազգային անվտանգության և պաշտպանության խորհուրդը Ուկրաինայի անվտանգության ծառայությանը հանձնարարել է հետաքննել Ղրիմում Ռուսաստանի Սևծովյան նավատորմի առկայության պայմանների մասին Խարկովի համաձայնագրերի վավերացման հանգամանքները 2010թ.: 2021 թվականի հոկտեմբերի 20-ին Կիևի Պեչերսկի շրջանային դատարանը որոշում է կայացրել հեռակա կալանավորել Ազարովին՝ սույն փաստաթղթի պատրաստման գործում պետական դավաճանության մեղադրանքով։ Իսկ 2022 թվականի մայիսի 23-ին Կիևի դատարանը հեռակա ձերբակալել է Յանուկովիչին՝ Խարկովի համաձայնագրերի ստորագրման համար։ 2021 թվականի հունվարի 28-ին Հետաքննությունների պետական բյուրոյի մամուլի ծառայությունը հայտարարեց, որ Յանուկովիչին մեղադրանք է առաջադրվել պետական դավաճանության մեջ՝ բացատրելով, որ, ըստ հետաքննության, Խարկովի համաձայնագրերը վնաս են հասցրել Ուկրաինայի ինքնիշխանությանը, տարածքային ամբողջականությանը և անձեռնմխելիությանը, ինչպես նաև՝ երկրի պետական և տնտեսական անվտանգությունը։ Նախկին նախագահի փաստաբանները հերքել են, որ իրենց պաշտպանյալը ստացել է այս մեղադրանքը, իսկ Յանուկովիչի դեմ այն ներկայացնելու փորձը անվանվել է քաղաքական հետապնդում։ 2014 թվականին Ղրիմը Ռուսաստանի հետ վերամիավորվելուց հետո ՌԴ նախագահ Վլադիմիր Պուտինն օրենք է ստորագրել, որով դադարեցվում են Ուկրաինայի հետ Սևծովյան նավատորմի վերաբերյալ բոլոր համաձայնագրերը, այդ թվում՝ 2010 թվականինը: |