Թուրքիայի ռազմական ավիացիան մի շարք հարվածներ է հասցրել Սիրիայում և Իրաքի հյուսիսում գտնվող քրդական բազաներին։ CNN Türk-ի փոխանցմամբ՝ Սիրիա է մտել նաև թուրքական զինված ուժերի ռազմական տեխնիկայի մեծ շարասյուն։
Անկարան գործողությունը դիտարկում է որպես պատասխան՝ անցյալ շաբաթ երկրում տեղի ունեցած ահաբեկչություններին։ Թուրքիայի պաշտպանության նախարարությունը հայտարարել է «հակաահաբեկչական օդային գործողության» մեկնարկի մասին։