Խնդրում ենք սպասել...
Այսօր`  չորեքշաբթի, 28 հուլիսի, 2021 թ.
Վկոնտակտե

Միջազգային

«Թուրքական «Բայրաքթարները» հարկավոր են Ռուսաստանին զսպելու համար»․ Ուկրաինայի ԱԳՆ

18:15, երկուշաբթի, 21 հունիսի, 2021 թ.
«Թուրքական «Բայրաքթարները» հարկավոր են Ռուսաստանին զսպելու համար»․ Ուկրաինայի ԱԳՆ

Ուկրաինայի ԱԳ նախարար Դմիտրի Կուլեբան թուրքական Anadolu գործակալությանը տված հարցազրույցում նշել է, թե ինչու է Կիևն Անկարայից հարվածային անօդաչու թռչող սարք գնել։

Նրա խոսքով՝ դրանք հարկավոր են Ռուսաստանին զսպելու համար՝ «որպեսզի նա 2 անգամ մտածի, նախքան Ուկրաինայի դեմ ցանկացած սրացում կամ լայնածավալ հարձակում պլանավորելը»:
     Նախարարը նշել է, որ ուկրաինական կողմը զենք է գնում պաշտպանության համար։
     «Եթե Ռուսաստանը հարձակվի և մեզ հետ ներքաշվի լայնածավալ ռազմական հակամարտության մեջ, այդ ժամանակ մենք անօդաչու թռչող սարքեր կկիրառենք Ուկրաինայի ցանկացած մասում, որպեսզի պաշտպանվենք»,-ասել է Կուլեբան՝ պատասխանելով այն հարցին, թե կարող է արդյոք Ուկրաինան ԱԹՍ-ներ կիրառել Դոնբասում:
     Նա նաև դժգոհել է, որ Մոսկվան փորձում է այլ երկրներին հետ համոզել Կիևին զենք վաճառելու հարցում։
     Բացի այդ, Կուլեբան բարձր է գնահատել թուրքական անօդաչու թռչող սարքերի որակը և հայտարարել, որ Ուկրաինան մտադիր է տեղայնացնել դրանց արտադրությունը:
     Ավելի վաղ Baykar ընկերությունում, որը թուրքական ԱԹՍ-ների առաջատար արտադրողն է, հայտնել էին Կիևի կողմից «Բայրաքթարների» գնման մասին:

| | |
1892 | 1
Facebook