Եվրոխորհրդի ղեկավար Շառլ Միշելը և ՆԱՏՕ-ի գլխավոր քարտուղար Յենս Ստոլտենբերգը Ռուսաստանին կոչ են արել հետաքննել Ալեքսեյ Նավալնիի հետ տեղի ունեցածը:
«ՆԱՏՕ-ի երկրները մտադիր են խորհրդակցություններ անցկացնել այս հարցով»,- թվիթերյան իր էջում հայտնել է Ստոլտենբերգը: Նրա կարծիքով դեպքի վերաբերյալ վերջին մանրամասներն ավելի հրատապ են դարձնում վաղ հետաքննության անհրաժեշտությունը:
Հիշեցնենք՝ ավելի վաղ Բունդեսվերի լաբորատորիայի մասնագետները հայտարարել էին, որ Ալեքսեյ Նավալնիին թունավորել են նյարդակաթվածահար ազդեցության «Նովիչոկ» խմբի նյութով: