ԱՄՆ Կանզաս նահանգում տեղակայված Spirit AeroSystems, Inc. ընկերությունը, որը հանդիսանում է Boeing 737 MAX-ի պահեստամասերի խոշորագույն մատակարարներից մեկը, ինքնաթիռի մոդելի արտադրությունը դադարեցնելու պատճառով, ժամանակավորապես աշխատանքից հեռացրել է մոտ 2,8 հազար աշխատակցի։ Այս մասին հայտնում է РИА Новости գործակալությունը՝ հղում անելով ընկերության կայքին: Ընկերությունը նշել է, որ իրենք մատակարարել են այս մոդելի ինքնաթիռի կառուցման մասերի մոտ 70%-ը:
Spirit AeroSystems, Inc ընկերությունը կարծում է, որ երբ արտադրությունը վերսկսվի, դրա պահանջարկը շատ ավելի քիչ կլինի, քան նախկինում էր:
Մասնավորապես, սա պայմանավորված է նրանով, որ սկզբում Boeing ընկերությունը ստիպված կլինի իրացնել Spirit-ի պահեստներում առկա ինքնաթիռի մասերը, որոնք նախատեսված են ավելի քան 100 ինքնաթիռների համար: Բացի այդ, Boeing-ը կուտակել է մի քանի հարյուր պատրաստի, բայց պատվիրատուներին չհանձնված ինքնաթիռներ։