Թուրքիայում ԱՄՆ-ի դեսպանի տեղակալին հրավիրել են ԱԳՆ այն բանից հետո, երբ Twitter-ում ԱՄՆ դեսպանատան էջը «լայք» է դրել թուրքական հրապարակումներից մեկի տակ։ Այդ մասին հայտնում է РИА Новости-ն՝ հղում անելով սեփական աղբյուրներին:
Նշվում է, որ Վաշինգթոնի ներկայացուցչից պահանջել են բացատրել, թե ինչու հոկտեմբերի 5-ին Twitter միկրոբոլգում հրապարակված գրառման տակ հայտնվել է «լայք»-ը: Խոսքը վերաբերվում է «Ազգայնական շարժում» կուսակցության առաջնորդ Դևլեթ Բահչելիի հրաժարականի կոչին: Իր հերթին, ԱՄՆ դեսպանատունը ներողություն է խնդրել՝ միջադեպը համարելով սխալ և խառնաշփոթ առաջացնող: