Բժիշկները նախազգուշացնում են՝ երբեք թույլ մի տվեք ձեր շանը լիզել ձեզ, քանի որ նրանց բերանում առկա բազմաթիվ բակտերիաները կարող են փոխանցվել ձեզ:
Շների մոտ առավել հաճախ հանդիպող մակաբույծներից են կլոր որդերը, անկիլոստոմները, ժապավենաձև որդերը:
Ընտանի կենդանիների մոտ մակաբույծների ի հայտ գալու մասին են վկայում նրանց քչակերությունը, քաշի կորուստը, փսխումը, փորլուծությունը կամ էլ սակավարյունությունը: Այս ախտանշանների ի հայտ գալու դեպքում անպայման պետք է դիմել անասնաբույժի:
Ամենաշատ բակտերիաներ լինում են շների քթին ու բերանում, քանի որ նրանք մշտապես հոտոտում են ամեն ինչ:
Այդ բակտերիաների մեծ մասը մարդու օրգանիզմն ունակ է հաղթահարել, սակայն եթե մարդու իմունային համակարգը թուլացած է, ապա վարակումն անխուսափելի է:
Օրինակ, շուն պահողների 16%-ը վարակվում է բակտերիաներով, որոնք առաջացնում են գինգիվիտ և պարադոնտոզ: Եթե հիվանդ շունը թեկուզ մի անգամ լիզել է, ապա մարդը կարող է վարակվել խուզող մրմնջուկով (մկնատամ): Պաստերելան բակտերիաների ևս մի տեսակ է, որը հեշտությամբ փոխանցվում է մարդուն:
Առավել վտանգավոր են Capnocytophaga Canimorsus բակտերիաները, որոնք կարող են հանգեցնել մարդու վերջույթների լիակատար ախտահարման ու դրանց վերջնական պարալիզման: