Միացյալ Նահանգների Keystone նավթամուղում տեղի ունեցած վթարի հետևանքով շուրջ 795 հազար լիտր նավթի արտահոսք է տեղի ունեցել: Նավթամուղը պատկանում է կանադական TransCanada ընկերությանը:
Դեպքը տեղի է ունեցել Հարավային Դակոտա նահանգում: Նավթամուղը, որ կանադական նավթահանքերից անմշակ նավթը հասցնում է ամերիկյան վերամշակող ձեռնարկութնուններին, վնասվել է Ամհարեսթ քաղաքի տարածքում, հաղորդվում են կանադական ԶԼՄ-ները: Այդ նավթամուղը Կանադայի Ալբերտա նահանգից Մեքսիկական ծոցով նավթ է հասցնում ԱՄՆ Նեբրասկա, Թեխաս, Օքլահամա և Իլինոյս նահանգների նավթավերամշակման գործարաններ:
Արտահոսքի վերացման համար նավթամուղի աշխատակիցներն ստիպված են եղել Կանադայի Ալբերտա նահանգից փակել այն:
Վթարը տեղի է ունեցել նմնատիպ նավթանուղի բացման վերաբերյալ Նեբրասկա նահանգի հանձնաժողովի կողմից որոշում կայացնելուց մի քանի օր աառաջ: Keystone XL անուն ունեցող նախագիծը 2015թ. անվտանգության նկատառումներով կասեցվել է Բարաք Օբամայի կողմից: Այժմ, սակայն, ԱՄՆ ներկայիս նախագահ Դոնալդ Թրամփը հավանություն է տվել նախագծին՝ կարևորելով դրա տնտեսական նշանակությունը: