Լոնդոնում` «Գրենֆիլ թաուեր» բնակելի աշտարակում բռնկված հրդեհի հետևանքով, ըստ վերջին պաշտոնական տվյալների, զոհվել է 12 մարդ, բայց ոստիկանությունը մտավախություններ ունի, որ զոհերի թիվը կարող է ավելանալ, քանի որ կան 10-յակ անհետ կորածներ: Հիվանդանոցներում ավելի քան 70 վիրավոր կա:
Ըստ մասնագետների` շենքում ողջ մնացածների գտնելու հավանականությունը շատ քիչ է, անգամ մեկ փրկվածի հայտնաբերելը կարող է հրաշք համարվել:
Հաղորդվում է, որ դեպքի վայր է ժամանել Մեծ Բրիտանիայի վարչապետ Թերեզա Մեյը: