Ի՞նչ է խոսում քաղաքը

     Օրեր առաջ մամուլում հրապարակումներ եղան, որ ուժեղացվել է Սերժ Սարգսյանի անվտանգությունը, քանի որ, ըստ լուրերի` ԱԱԾ-ն օպերատիվ տեղեկություններ ունի, որ նախագահի դեմ հարձակման փորձ է ծրագրվել: Դրա մասին են վկայում տարբեր հանգամանքներ` Սերժ Սարգսյանի` սուրբծննդյան արարողությանը չմասնակցելն ու նման օրով անսպասելի արձակուրդ մեկնելը, Նորք Մարաշի գործով կալանավորված Վահան Շիրխանյանի բաց նամակը նախագահին` «...շարունակում ես սև գործդ և սրտատրոփ սպասում հաջորդ զինյալ խմբին, որ կհաջողի», ինչպես նաև` կառավարության շենքում երեկվա ավտոմատավորների թվի ավելացումը: Ի դեպ, կառավարության շենքի ուժեղացված հսկողության մասին խոսում են, թե պատճառն այն է, որ վերնախավում զգուշանում են ոչ միայն վարձու մարդասպանից, այլ կազմակերպված զինված խմբի հարձակումից: