Իսրայելի Էյլատ քաղաքում շարունակվում է ծանրամարտի Եվրոպայի երիտասարդական առաջնությունը։ Րոպեներ առաջ ավարտվեց մինչև 20 տարեկանների 75 կգ քաշայինների պայքարը։ Մինչև 20 տարեկանների Եվրոպայի գործող փոխչեմպիոնուհի, Ռիոյի օլիմպիական խաղերի մասնակից Հայաստանը ներկայացնող 18-ամյա Սոնա Պողոսյանը, պոկելով 96 կգ և հրելով 122 կգ, երկամարտի 218 կգ արդյունքով հռչակվեց Եվրոպայի փոխչեմպիոն։ Այս քաշային կարգում չեմպիոն հռչակվեց Ուկրաինան ներկայացնող Իրինա Դեխան՝ երկամարտի 260 կգ արդյունքով, բրոնզե մեդալը բաժին է հասել Գերմանիան ներկայացնող Թաբեա Թաբելին, ով երկամարտում գրանցել էր 218 կգ արդյունք, սակայն անձնական քաշով ավելի ծանր էր Սոնայից։