Փարիզում կայացած աճուրդում վաճառել են Էյֆելյան աշտարակի մի մասնիկը: Ինչպես հաղորդում է ТАСС-ը, խոսքը գնում է հին պտուտակային սանդուղքի մի մասի մասին, որն ի սկզբանե տեղադրվել է 1889-ին երկրորդ և երրորդ հարկերի միջև:
Հատվածը վաճառվել է 523 հազար եվրոյով: Գնորդի անունն անհայտ է, հայտնի է միայն, որ նա Ասիայից է:
Հին սանդուղքը քանդել են 1983թ-ին, քանի որ այն այլևս չէր պատասխանում անվտանգության պահանջներին: Դրա փոխարեն վերելակ են տեղադրել: