Միջազգային

ՄԱԿ-ի Գլխավոր վեհաժողովի 71-րդ նստաշրջանի պատվիրակները հոկտեմբերի 13-ին կքննարկեն կազմակերպության նոր գլխավոր քարտուղարի նշանակման հարցը: Նոր գլխավոր քարտուղարը պաշտոնավարելու է 2017 թվականի հունվարի 1-ից մինչեւ 2021-ի դեկտեմբերի 31-ը:

ՄԱԿ-ի Կանոնադրության համաձայն՝ գլխավոր քարտուղարը Կազմակերպության գլխավոր վարչական պաշտոնատար անձն է: Նա նշանակվում է Գլխավոր վեհաժողովի կողմից, Անվտանգության խորհրդի երաշխավորությամբ: Այս գործընթացում ամենաբարդը ԱԽ-ի խնդիրն է, որտեղ ապագա գլխավոր քարտուղարի թեկնածությունը պետք է սատարեն Խորհրդի առնվազն 9 անդամներ՝ ներառյալ մշտական երեք անդամները:

Հոկտեմբերի 6-ին Անվտանգության խորհուրդը բանաձև էր ընդունել՝ ՄԱԿ-ի Գլխավոր վեհաժողովին երաշխավորելով կազմակերպության 9-րդ գլխավոր քարտուղար նշանակել Պորտուգալիայի նախկին վարչապետ Անտոնիու Գուտերիշին: