Motor 1 պարբերականի տրամադրության տակ են հայտնվել Mercedes-AMG C 63-ի «էքստրեմալ» տարբերակի թեստային նախատիպի լրտեսական լուսանկարները:
Սովորական C63-ից թեստային տարբերակը տարբերվում է բեռնախցիկի տանիքին տեղադրված հակաթևի և առջևի բամպերի վրա սփլիթերի առկայությամբ:
Ինչպես և սովորական C 63-ը, նորույթը հագեցնելու են երկտուրբո «ութնյակով», որի հզորությունը, հավանաբար, կգերազանցի 510 ձիաուժը: Շարժիչը համադրվելու է յոթաստիճան «ռոբոտի» հետ:
Դատելով նորույթի քողարկման բացակայությունից՝ նրա շնորհանդեսը կարող է կայանալ մինչև 2016թ վերջը: Մեքենայի մրցակիցն է լինելու BMW-ի ամենաարագընթաց սերիական սպորտքարը՝ M4 GTS կուպեն: