Այսօր «Մեդիա կենտրոնում»` «Ազատազրկված անձանց իրավունքների պաշտպանությունը Հայաստանում» թեմայով քննարկման ժամանակ, ՀՀ ԱՆ քրեակատարողական հիմնարկներում վերահսկողություն իրականացնող հասարակական դիտորդական խմբի նախագահ Արայիկ Զալյանը նշել է, որ Քրեակատարողական հիմնարկներում բարեփոխումները հիմնականում անհատական բնույթ ունեն:
Դիտորդական խմբի անդամ Ռուբեն Սարգսյանը, որը հետազոտություններ է իրականացրել Հայաստանում գործող մի շարք ՔԿՀ-ներում, նշել է, որ մի շարք ՔԿՀ-ներում` Նուբարաշենում, Արմավիրում, Աբովյանում, Վարդաշենում, Երևանում, Կոշում, և դատապարտյալների հիվանդանոցում, խնդիրների մեծ մասը բուժսպասարկման են վերաբերել:
Իրավապաշտպան Ռոբերտ Ռևազյանն էլ հավելել է, որ ՔԿՀ-ներում անհրաժեշտ են հեղափոխական փոփոխություններ. «Ամենամեծ խնդիրը շարունակում է մնալ միջանձնային հարաբերությունները: Այնտեղ գործում են ոչ թե իրավական ակտերն ու նորմերը, այլ չգրված քրեական օրենքները: Այդ օրենքների պատճառով էլ դատապարտյալներից շատերը վախենում են բողոքել իրենց խցիկից կամ վարչակազմից»: