Փարիզի աճուրդում վաճառվել է եվրոյով վաճառված աշխարհի ամենաթանկ ավտոմեքենան, հաղորդում է Gazeta.ru-ն` հղում անելով Sky News-ին:
Անհայտ գնորդն ԱՄՆ-ից 32 միլիոն եվրոյով ձեռք է բերել 1957թ. արտադրության Ferrari 335 Spider Scaglietti-ն: Այդ մեքենան արտադրվել է ընդամենը չորս օրինակով:
Այդ ավտոմեքենայի ղեկին բրիտանացի Սթիրլինգ Մոսը 1958թ. հաղթել է Կուբայում կայացած «Ֆորմուլա 1»-ի Գրան-պրի փուլը: Սպորտքարը մասնակցել է նաև «24- ժամ-Լե Ման» ավտոմրցարշավին:
Ավտոսպորտի ամենալեգենդար մեքենայի մեկնարկային գինն աճուրդում կազմել է 20 միլիոն եվրո: