Իրադարձություններ

«Ցանկացած մթերք ամռանը կարող է թունավորման պատճառ դառնալ, եթե այդ մթերքը սանիտարահիգիենիկ կանոնների համաձայն չի պահպանվել»,- համոզված է սննդաբան Հասմիկ Աբովյանը: «Եթե մարդը շատ լավ ծանոթ լինի սանիտարահիգիենիկ կանոններին և լուրջ ընդունի դրանք, (շատերը ծանոթ են, բայց լուրջ չեն ընդունում), և պահպանի այդ կանոնները, նա զերծ կմնա սննդային թունավորումներից»,- լրագրողների հետ հանդպման ժամանակ ասել է մասնագետը: Նրա խոսքով՝ կարելի է անգամ սովորական խանութից գնված հացից թունավորվել, սկսած թեթև աղիքային խանգարումներից, վերջացրած սովորական դեղնախտով՝ հեպատիտ Ա-ով, որը կոչվում է՝ կեղտոտ ձեռքերի հիվանդություն:

Թունավորումներից խուսափելու համար, հիգիենայի կանոնները պահպանելուց բացի, Հասմիկ Աբովյանը նաև խորհուրդ է տալիս օգտագործել թարմ մթերքներ, իսկ թունավորման առաջին նշանների դեպքում անմիջապես դիմել բժշկին: