Երկարատև անքնության ծանր հետևանքները
Անքնությունը, որով այսօր տառապում է մոլորակի չափահաս բնակչության մեծ մասը, իրականում շատ ավելի լուրջ առողջական վտանգների առաջ կարող է կանգնեցնել, քան հոգնածությունն ու գլխացավերն են: Ներկայացնում ենք դրանիցից մի քանիսը. Արտաքին տեսքի փոփոխություն Քնի պակասը շատ վատ է անդրադառնում արտաքին տեսքի վրա՝ սփրթնած դեմք, բերանի կախված անկյուններ, այտուցված կոպեր և այլն: Բացի այդ, երկար ժամանակ արթուն մնացածներն ունենում են հոգնած, դժբախտ դեմք: Հարբածության վիճակ Ստեղծագործական հակումների կորուստ Գիտնականները վստահեցնում են՝ եթե դուք ցանկանում եք ինչ-որ հոյակապ նախագիծ սկսել և դրա համար տրվում եք անքնության, ապա ձեր հնարավորությունները գրեթե հավասարվում են զրոյի հենց անքնության պատճառով: Զարկերակային ճնշման բարձրացում Ավելի ու ավելի են շատանում այն պնդումները, որ չքնողների մոտ զգալիորեն բարձրանում է զարկերակային արյան ճնշումը: Բացի այդ, անհրաժեշտ չափով չքնող հիպերտոնիկների մոտ կտրուկ բարձրանում է արյան ճնշումը: Ինտելեկտուալ հնարավորությունների նվազեցում Բացի այն, որ անքնությունից նվազում են ինտելեկտուալ կարողություները, նաև վատանում է հիշողությունը, ինչը կարող է վատ անդրադառնալ թե´ անձնական կյանքի, թե´ մասնագիտական հնարավորությունների վրա: Հիվանդությունների հավանականության աճ Քնի ժամանակ մարդու իմունային համակարգն արտադրում է ցիտոկին-սպիտակուցներ, որոնք այնուհետև «պայքարում են» տարատեսակ վարակների դեմ: Իրեն քնից զրկող մարդը նվազեցնում է իրեն պաշտպանող սպիտակուցների քանակն ու հիվանդանում տարատեսակ վարակներից: Վաղաժամ ծերացում Ծերության դեմ բոլոր թանկարժեք ու հուսալի միջոցներն անզոր են, եթե օրգանիզմը չի քնում այնքան, որքան իրեն անհրաժեշտ է: Անքնությունից առաջացած սթրեսն ավելացնում է կորտիզոլ հորմոնի արտադրությունը: Այն ավելացնում է մաշկային ճարպի սեկրեցիան և նպաստում մաշկի ծերացմանը: Քունը կարևոր դեր է խաղում մաշկի վերականգնման համար: Ավելորդ քաշ Բացի վերոնշյալներից, լիարժեք քուն չվայելող մարդը հակված է գիրացման: Բազմաթիվ թեստերն ապացուցել են, որ օրական 4 ժամից քիչ քնողները 73%-ով առավել շատ են հակված գիրացման: Եվ ամեն ինչում մեղավոր են կրկին հորմոնները: Մարդու գլխուղեղում քաղցը կարգավորվում է գրելին և լեպին հորմոնների միջոցով: Գրելինն ուղեղին ազդակներ է հաղորդում, երբ օրգանիզմը սնվելու կարիք ունի: Իսկ լեպտինն, ընդհակառակը, արտադրվելով ճարպային հյուսվածքում, նվազեցնում է ախորժակն ու առաջացնում հագեցման զգացողություն: Երբ մարդը հոգնում է, ապա գրելինի մակարդակն արյան մեջ ավելանում է, իսկ լեպտինի մակարդակը՝ նվազում: Մրսելու զգացում Քնից զրկվելը դանդաղեցնում է նյութափոխանակությունը, ինչն էլ, իր հերթին, նվազեցնում է մարմնի ջերմաստիճանը: Արդյունքում մարդն սկսում է մրսել: Հոգեկան խանգարումներ Նորմալ քուն չվայելող մարդիկ, ըստ վիճակագրության, 4 անգամ առավել շատ են հակված հոգեկան տարատեսակ խանգարումների, քան նորմալ հանգիստ վայելող մարդիկ: Իսկ երկարատև անքնությունը կարող է անգամ հանգեցնել ինքնասպանության հակման: Ոսկորների կոտրվածքներ Մկների վրա արված փորձարկումներն ապացուցել են, որ 72-ժամյա անքնությունից փոփոխվում է ոսկրային հյուսվածքի հանքանյութային խտությունը: Ենթադրելի է, որ նույն բանն էլ կատարվում է մարդկանց ոսկրային հյուսվածքների պարագայում: Անուշադրություն ու անփութություն Բժշկական գիտությունների դոկտոր Քլեթ Քուշիդի հավաստմամբ՝ քնի պակասը նվազեցնում է մարդու՝ իրականության զգացողությունը, բթացնում ռեֆլեքսները: Այլ կերպ ասած՝ մարդը դառնում է անփույթ ու անուշադիր: Էմոցիոնալ անկայունություն Անքնությունից մարդիկ դառնում են դյուրագրգիռ, անհանգիստ ու վախկոտ, ինչն էլ հանգեցնում է հոգեկան անկայուն վիճակի: Կյանքի տևողության կրճատում Բազմաթիվ հետազոտությունները ցույց են տալիս, որ նույնիսկ կանոնավոր բնույթ չկրող անքնությունը ավելացնում է մահացության հավանականությունը, իսկ եթե դրան ավելացնենք անքնությունից առաջացած ճարպակալումը, դեպրեսիաները, հոգնածությունն ու աշխատանքային ծանրաբեռնվածությունն, ապա օրական 6 ժամից քիչ քնող մարդկանց մոտ 4 անգամ ավելի է մեծանում ապագա 14 տարիների ընթացքում կյանքին հրաժեշտ տալու հավանականությունը: |