Թեթև, ծակոտկեն պաստեղի միջուկով կոնֆետներ առաջին անգամ ստեղծել են Լեհաստանում՝ 1936 թվականին՝ մոտավորապես այն նույն բաղադրատոմսով, ինչ զեֆիրը, միայն թե՝ առանց հավկիթ ավելացնելու: «Թռչնի կաթ» ստեղծելու առաջնությունը պատկանում է լեհական «E. Wedel» հրուշակեղենի արտադրամասին:
1960-ականներին նմանատիպ կոնֆետներ սկսել են արտադրել նաև ԽՍՀՄ-ում:
Իսկ անվանումը ծագել է այսպես. բազմաթիվ ժողովուրդների բառապաշարում «թռչնի կաթ» արտահայտությունը նշանակել է ցանկալի, անհասանելի ինչ-որ բան: Ժողովրդական հեքիաթներում հարուստ արքաներին առավել գունեղ նկարագրելու համար ասվում է. «Նա ամեն ինչ ուներ, բացի թռչնի կաթից»: Ժողովուրդն այնքան է սիրել այս կոնֆետը, որ դրան «թռչնի կաթ» անվանումն է տվել: