«Մեր հարևանները փորձում են ազդել առաջին հերթին միջազգային կառույցների վրա, որպեսզի ավելի մեծ զիջումների գնանք ԼՂՀ հակամարտության կարգավորման գործում` չհասկանալով, որ երկխոսությունն է այն միակ ձևը, որը կարող է խաղաղ պայմաններում բերել հարցի լուծման: Լարվածությունն օրըստօրե ավելի է սաստկանում, բայց ՀՀ ԶՈՒ-ն, ԼՂՀ ՊԲ-ն լիարժեք վերահսկում են իրադրությունը ու անհրաժեշտ դեպքում հակահարված տալիս»,- Եռաբլուր պանթեոնում ասաց ՀՀ Պաշտպանության նախարարը` անդրադառնալով լրագրողների այն հարցին, թե ինչո՞վ են պայմանավորված Ադրբեջանի ագրեսիվ պահվածքն ու դիվերսիոն գործողությունները: