Միջազգային

     Ֆրանսիայի պաշտպանության նախարար Ժան-Իվ Լը Դրիանը հայտարարել է, որ երկրում 10 հազար զինվորականներ ներգրավվելու են քաղաքացիական այն օբյեկտների պաշտպանության գործում, որոնք այս պահի դրությամբ գտնվում են ահաբեկչական նոր հարձակումների հնարավոր թիրախում: Ինչպես գրում է «Ռոյթերս»-ը, այսպիսի որոշում ընդունվել է Ֆրանսիայում անցկացված անվտանգության հարցերի վերաբերյալ կառավարության անդամների հանդիպումից հետո:
     «Ահաբեկչական հարձակումների վտանգ դեռևս առկա է, և մենք պարտավոր ենք պաշտպանել ինքներս մեզ, ուստի վաղվանից արդեն զինվորականները կանցնեն երկրում առավել կարևոր և առավել թիրախային համարվող կառույցների պաշտպանությանը»,- հայտնել է պաշտպանության նախարարը:
     Աղբյուրը հայտնում է նաև, որ բացի թիրախային կառույցների պաշտպանությունը, երկրում անվտանգության 4700 աշխատակիցներ պետք է վերահսկեն Ֆրանսիայում գործող 717 հրեական դպրոցների անվտանգությունը: